جملة ، تصميم جاهز لمواقع الانترنت ، هل تعرفها ؟

جملة أو جوملا أو
joomla
جملة دى باختصار تصميم جاهز لموقع انترنت بتاخده تعدل فيه براحتك وتستخدمه وكمان تشغله من غير ما تكون عارف أى حاجة فى تصميم المواقع أو لغات البرمجة
ده بجد ؟!
أه فعلا بجد
و على فكرة أصل التسمية هى كلمة "جملة " بالعربى !!
طب امال ليه لو رحت لواحد يعمل لى موقع انترنت بياخد 2000 جنيه على الأقل خالص
الفرق ان جملة حاجات جاهزة انت مش بتتعب نفسك فى حاجة بس بتعدل فيه زى ما بتعدل فى برنامج وورد اللى عندك على الكمبيوتر بالظبط
أما لو رحت لحد يصمم لك موقع من الصفر فهو بيتعب فيه وبيبرمجه واحدة واحدة
طب جملة دى هتنفعنى فى ايه :
لو انت عايز موقع شخصى
لو عايز تبدأ موقع شغل صغير
منتدى
موقع تعريف بالشركات
وممكن كمان تجارة الكترونية
كل ده ببلاش ومش هتحتاج تدفع ولا مليم
طب وايه لازمة الناس اللى بتبرمج مواقع ؟
لو الموقع اللى عايز تعمله صغير أو متوسط يبقى تستخدم جملة وانت مطمن أما بقى لو عايز موقع ضخم مرة واحدة يبقى أفضل بلاش جملة وخلى ناس تبرمجلك الموقع
وممكن برضه تجرب جملة فى الأول لغاية ما الموقع يكبر ويجيب فلوس وبعد كده تبقى تصرف من الفلوس دى وتجيب ناس يبرمجولك الباقى
طيب لو عايز أجرب جملة اعمل ايه ؟
أفضل طريقة عشان تعرف قد ايه امكانيات جملة عالية هى انك تاخد سيرفر وتحط عليه جملة (وضع جملة فى سيرفر اسهل من تثبيت أى برنامج على الكبيوتر بتاعك ) وده حقيقى
وكمان جملة بتوفر فيها منتدى بالعربى
ده اللينك بتاعه :
http://forum.joomla.org/viewforum.php?f=17&sid=dd21445eb759ad8fe865b8ef08af1c76

ودى شوية كتب تعليم جملة موجودة هنا


للبحث عن مراكز تدريبية لتعليم جوملا يمكنك البحث فى هذا الموقع